Ayisyen ki nan Sant ak Nò Meksik kounye a gen dwa aplike pou azil pou antre Ozetazini atravè aplikasyon mobil CBP One lan, ki se yon Sèvis oubyen yon aplikasyon gratis.
16 janvyye 2024
Imigran ki elijib yo pral oblije pran yon randevou ak otorite ameriken yo nan yon pò antre, kote yo pral detèmine si yo ta dwe pèmèt yo antre nan peyi a.
Dapre enfòmasyon ki disponib sou aplikasyon an, imigran ki vle dosye yo trete nan yon pò antre ap gen pou pwouve ke yo gen omwen youn nan vilnerabilite sa yo: maladi fizik oswa mantal, andikap, gwosès, mank lojman oswa abri an sekirite nan Meksik. Migran ki poko gen 21 oswa plis pase 70 ak moun ki te menase oswa blese nan Meksik yo pral konsidere tou pou pwosesis la.
Apre yo fin konfime vilnerabilite yo, aplikasyon CBP One a pral mande imigran yo pou yo soumèt enfòmasyon biografik sou tèt yo ak fanmi yo, ansanm ak yon foto figi yo. Lè sa a, yo pral resevwa yon randevou pou parèt nan youn nan uit pò antre nan Arizona, Kalifòni oswa Texas.
ERNSO DESRAVINES
Liongate