WASHINGTON, Dimanch 28 Janvye 2024 –
Ernso Desravines
Minis Afè Etranjè ayisyen an, Jean Victor Généus, ak Anbasadè ayisyen an nan Washington, Louis Joseph Harold, te fè yon rankont enpòtan dimanch maten sa a nan Depatman Ameriken sou kriz la ann Ayiti, selon yon pwòch anbasad la. Rankont sa a te dewoule pandan 15èm konferans NHAEON anyèl la nan Washington DC, kote ofisyèl eli ayisyen-ameriken yo te deba sou kriz ayisyen an.
« Sitiyasyon an Ayiti rete yon gwo enkyetid, » deklarasyon kongresswoman Deputy Scheila Cherfilus McCormick, yon eli nan 20yèm distri a nan Florid, pandan yon entèvyou ak Island TV nan fen 15yèm konferans anyèl kowalisyon ofisyèl eli ayisyen Ameriken yo nan Washington DC. Sheila Cherfilus se pami ofisyèl eli Ameriken yo ki eksprime sipò pou yon rezolisyon nan kriz ayisyen an, mande pou administrasyon Biden a abandone defakto Premye Minis Ariel Henry.
Nan dat kite 6 oktòb 2023, Depite Cherfilus-McCormick, ki gen orijin ayisyen, te akeyi adopsyon Konsèy Sekirite Nasyonzini an nan yon rezolisyon ki otorize yon misyon sekirite miltinasyonal ann Ayiti. Nan yon nòt pou laprès, li te espere ke misyon sa a ta poze fondasyon pou yon gouvènman tranzisyon konpetan, san Premye Minis Ariel Henry, pou pèmèt Ayiti retounen nan nòmal.
Yon semèn apre, yon lòt ofisye eli, manm NHAEON, Marleine Bastien, komisè distri 2 comté Miami-Dade, te mande administrasyon Biden pou sispann sipòte Ariel Henry pou evite yon vòt sanksyone Ayisyen-Ameriken yo nan eleksyon 2024 yo. Li te kritike Etazini pou api li kontinye ap bay yon gouvènman yo akize de asosyasyon ak gang, epi responsab vyolans kont popilasyon an.
Bastien te fè konnen kominote ayisyen-ameriken an, kite bay majorite vote yo nan favè Demokrat yo, desi ak politik etranjè administrasyon Biden nan peyi Dayiti, kominote a ta pare pou sanksyon li nan pwochen eleksyon yo si li pa pran okenn desizyon.
Yo te kritike PM nan anpil pou jan’l lap jere peyia avèk medyokrite. Ansyen senatè Steven Benoît kite yon envite nan konferans la, te kwè ke li nesesè pou yo ta fòme yon fon komen pou depa Ariel Henry a. Benoît rekonèt, sepandan, ke Ariek Henry toujou ap benefisye sipò yon pati enpòtan nan sektè biznis la.
Pandan nap apwoche 7 fevriye 2024, dat Ariel Henry te pran angajman atravè akò 21 desanm 2022 a, pou l retounen pouvwa a bay lidè lejitim kap soti nan eleksyon, epi presyon yo ap ogmante pou rejim anplas la kite pouvwa a.
Deja, kèk non pou ranplasman PM Ariel ap sikile, epi lobiyis yo aktif nan Washington.