Jou kite dimanch 21 janvye 2024 la nan komin kwadèboukè, bandi kidnape fanmi atis Clifford Dumé, daprè enfòmasyon jèn ayis la bay nan jounal Premye Okazyon maten lendi 22 janvye a.
Ernso Desravines
Kwadèboukè, lendi 22 janvye 2024.
Jèn atis Clifford Dumé trouve li nan gwo difikilte jou kite dimanch 21 janvye 2024 la.
Nan yon entèvansyon li te fè nan jounal « Premye Okazyon » sou Karayib FM lendi maten 22 janvye 2024 la, li te fè konnen fanmi li sibi atake bandi ame epi kidnape yon ti sè li.
Daprè atis la bandi ame yo atake yon machin ki t ap transpòte manm fanmi an pa twò lwen Lycée Jacques 1er.
Yo touye papa l Joanès Dumé, sou plas, blese kouzen li Jhonky Dumé (11 zan), ki nan yon kondisyon grav. Anplis de sa, bandi yo kidnape ti sè l Saralie Dumé, ki genyen 17 an.
Ansyen chanpyon nan konpetisyon distri Podium « edisyon 2019 » pou komin kwadèboukè mande kidnapè yo pou yo libere sè li a kise Saralie Dumé, ki genyen 17 lane
Liongate