Gwo tansyon pete nan Raboto, yon lokalité anndan vil Gonayiv nan aprè midi 19 janvye 2024 la, ant BEI kise yon inite nan PNH la avèk nèg ak zam Raboto.
Daprè enfòmasyon nou rive rekeyi, ta sanble se BEI yo menm ki te antre nan fièf Raboto pou mete latroublay.
Gonayiv, 19 janviye 2024
Ernso Desravines
Te genyen anpil tire ak gwo zam fann fwabal ant 2 kan yo kite lakoz yonn nan solda Raboto yo kigen pou non Robenson te fè vwèl pou peyi san chapo ak yon bal nan tèt.
Robenson sete yon fidèl solda Raboto, presizeman nan lokalite jibile, ki toujou nan tèt tout manifestasyon Raboto ap fè nan vil Gonayiv.
Nan moman nap pale,li fè 8h50 PM, vil Gonayiv tèt anba.
Mesye Raboto yo, kanpe an yon sèl òm pou goumen ak polisye yo, ki jiska prezan rete ankaval anndan komisarya.
Ta sanble yon polisye BEI ta pèdi lavil tou nan afwontman aswè vè 7è.