Kolonbi relouvri Konsila li nan kapital ayisyen nan Potoprens jou kite vandredi 15 deaanm 2023.
Pétion-Ville, jou kite 15 desanm 2023, peyi Kolonbi ouvri Konsila li ankò ann Ayiti. Evènman sa a reflete amitye ki long ant 2 nasyon yo depi plis pase 200 ane, daprè Minis Afè Etranjè ayisyen an. Jean Victor Généus, te patisipe nan seremoni reouvèti espas sa a nan non gouvènman ayisyen an. Daprè li, reouvèti Konsila sa a se yon siy bòn volonte pou yon rapwochman ant Ayiti ak Repiblik Kolonbi.
Bò kote pa l, Minis Afè Etranjè Kolonbi a, Alvaro Leyva Durán, konsidere reouvèti sa a kòm yon nouvo paj nan relasyon ant 2 pèp yo.
Chanselye ayisyen an te deja wè domèn koperasyon. « Nou te idantifye diferan domèn koperasyon tankou: edikasyon ak fòmasyon pwofesyonèl, komès ak batay kont trafik dwòg, » li te di. « Kontak yo pral pi entans, » te ajoute Jean Victor Généus, vizib konfyans nan koperasyon fwitye ant de pèp yo.
« Lè mwen koupe riban sa a, mwen louvri bra yo ki p’ap fèmen isit la ankò, » konkli Chanselye Kolonbyen an nan diskou li a,
Chèf BINUH, Anbasadè Lafrans an Ayiti, ak Kanada, pami lòt, te patisipe nan seremoni reouvèti Konsila Kolonbyen nan Pòtoprens.